Grat for Gruel

O there lived a weaver in the North, and wow! but he wis cruel,

The very first nicht that he got wad he sat an he grat for gruel!

He sat an he grat for gruel, O he widna want his gruel,

The very first nicht that he got wad he sat an he grat for gruel.

He sat an he grat for gruel, O he widna want his gruel

The very first nicht that he got wad he sat an he grat for gruel.

“O there’s nae a pot in aa the hoose for me to mak yer gruel.”

“The horse's trough it’ll dae wi me, for I maun hae ma gruel!

For I maun hae ma gruel, O I winna want ma gruel,

The horse's trough it’ll dae wi me, for I maun hae ma gruel.”

He sat an he grat for gruel, O he widna want his gruel

The horse's trough it’ll dae wi me, for I maun hae ma gruel.”

“There's nae a spuin in aa the hoose for ye tae sup yer gruel.”

“The gairdenin spade it’ll dae wi me, for I maun hae ma gruel!

For I maun hae ma gruel, O I winna want ma gruel

The gairdenin' spade it’ll dae wi’ me, for I maun hae ma gruel.”

He sat an he grat for gruel, O he widna want his gruel

The gairdenin' spade it’ll dae wi’ me, for I maun hae ma gruel.”

O an she's gaun ben for cakes and ale, an brocht them forth on a tooel,

“Gan awa, gan awa wi yer falderalls, for I maun hae ma gruel!

For I maun hae ma gruel, O I winna want ma gruel,

Gan awa, gan awa wi’ yer falderalls, for I maun hae ma gruel.”

He sat an he grat for gruel, O he widna want his gruel

Gan awa, gan awa wi’ yer falderalls, for I maun hae ma gruel.”

O come aa ye young lasses an tak ma advice:  Never marry a weaver!

The very first nicht that he got wad, he sat an he grat for gruel.

He sat an he grat for gruel, O he widna want his gruel,

The very first nicht that he got wad he sat an he grat for gruel.

He sat an he grat for gruel, O he widna want his gruel

The very first nicht that he got wad he sat an he grat for gruel.

Glossary

Grat - cried    

want - do without  

maun - must     

tooel - towel